Press "Enter" to skip to content

Na Pasal Le Darling Cung Ah Tuah Lo Bak Ding

Nu pawl nih kan pasal le kan darling cung ah tuah bak lo ding cu mah hi an si.

(1) Zeipoh kha phisin piak i tim hlah

Na pasal le darling nih an rian siloah an hawikom cung in buainak an ton tikah buainak kha a hramthok in a dongh tiang  kha phisin va zuam hlah . A zatawk in ruahnak pe ko . Mah tiin a buainak poh na bawmh peng ahcun zeihmanh a ruat zuam lai lo, midang bochan duhnak lungthin a ngei lai . Pa nih thithruainak hi nu caah a biapi tukmi a si kha philh hlah .

(2) ” Zeidah kan chimh kha ” ti bia

Thil pakhat na tuahmi ah teinak na hmuh caan ah ” zeidah ka rak in chimh kha ” timi bia nihhin na dawtmi kha nek na ngeih a langh ter . Mah bia na chim ruang ahkhan a mah le mah kha zeihmah silomi ah a ruat lai . Mah bia chimnak cun fimkhur te le nemnak tein chim i zuam .

(3) Thil man fak laksawng peknak

Laksawng pek cu a dawmi karlak ahcun a tha ko nain a man fak tuk mi laksawng peknak nih na dawtmi a lungthin kha  a thleng kho. Thil man fak laksawng nakin na dawtnak a duh deuh kha philh hlah . Nangmah lei zong in laksawng pek tikah na dawtmi nih  a cawk khawh lo tiang cu i hauh hlah.

(4) Na ttang kha a tahnak hmun ah hman ter hlah

Nu nih an duh hna ahkhin zangfah duh hi pa nih an duh lo . Pa cu an lungthin a cawlcangh ter kho tu nu lawng an duh hna . Zangfah duh in na duh hna a theih sual ahcun a lung der dih lai . Na pasal le darling kha lung dermi si ter hlah, cun pa  kha zangfah duh in va duh hlah .

Ref : BS

Be First to Comment

Leave a Reply

Your email address will not be published. Required fields are marked *